بعد زواج استمر 30 سنة
===============
كان الحاج خلاف بيحب مراته ويقول عليها دائما أنها أصيلة .
وفي يوم من الأيام مرات الحاج خلاف عضها كلب وماتت .
وبعد موتها دخل الحاج خلاف في حالة اكتئاب وأصبح لايخرج من البيت وعزف عن الطعام والشراب.
وكان له ثلاثة أبناء رجال وقالوا والدنا علشان يخرج من الحال اللي هو فيه لازم نزوجه ،
المهم كلموه في موضوع الزواج رفض بشده وقال لهم الدنيا مافيهاش أمرأة غير أمكم المرحومة ومفيش حد يملأ مكانها في قلبي.
لكن ألحوا عليه وخطبوا له فتاه فقيرة ومن أصل طيب وكانت جميلة جدا .
المهم الحاج خلاف العروسه أهتمت به جدا وبدأ يفرح وتغير حاله ،
وماهي إلا أيام وجاء عيد الأضحي ومن شدة فرح الحاج خلاف نادي علي أبنه وقال له روح الحوش وطلع منه 5 خرفان واذبحهم وبعد ماتذبحهم نادي علي فقال له ابنه حاضر ياوالدي ونفذ كلامه .
المهم الحاج خلاف قال لأبنه الخرفان دي شكر لله تعالي :
واحد منهم وزعه علي الأقارب ،
والثاني علي الفقراء ،
والثالث لك وأخوتك ،
والرابع لي ولزوجتي ،
والخامس معلش أنت أبني وحبيبي وهاتعبك معايا دور في وسط المزارع اللي حوالينا هاتلاقي الكلب اللي عض المرحومه
ارمي له الخروف الخامس
أنا حاسس إن الكلب ده أصيل وكله بركه وكان عارف مصلحتي وفاهم الدنيا أكثر مني
