كان للمرحوم عبد الله الخياط جار بقال فجاءه ذات يوم و قال له:
-يابه ...هاي مال كل يوم شوية دهن شوية تمن شوية سكر شوية فلفل هذه طويلة و الاحسن تلزم دفتر و تشوف الحساب كل راس شهر. مو تمام؟
فأجابه البقال :غالي و الطلب رخيص.
فأمر عبد الله كل اهل بيته بأن يتزودوا جميع حاجياتهم المنزلية من البقال (على حساب اخر الشهر) و هكذا حتى انقضى الشهر.جاء عبد الله الى الدكان و قال للبقال:
- يابه ما تطلع دفترك دنشوف الحساب؟
- تأمر... عندك الدهن..
-هسه( الأن ) خلي الدهن للتالي اول نوبة( اول مرة)دنشوف هالطكطوكيات ( الاشياء البسيطة).
- عندك عشر باكات ( رزم)حطب.
-لا.....اظن احد عشر باكة.
- شلون يصير؟ مسجله عندي بالدفتر.
- آني(انا) بالي احسن... ليش آكل من حقك؟
- طيب..عندك نصف كيلو ملح
- لا اظن كيلو.... متوهم(غلطان) انت . و آني رجل حقاني
- طيب ....حقك..عندك ثلاث ارباع فلفل
- هاي شنو ؟يمكن انت جايز(مستغني) من مالك ...آني في بالي صندوق فلفل.تريدنا نأكل حرام؟
- زين و عندك كيسين بصل...
- واي واي .....هذا خوش (جيد) حساب...شنو كيسين بصل؟ هو كيسين و نص.
- و الله ابو نجم انت حقاني !
- هاي (هذه) شنو؟اليوم دنيا باجر(غدا) اخرة.
- مولانا....و عندك ربع جاي(شاي).
- شنو ربع؟ زين السماور (جهاز قديم يحضرون به الشاي) عدنا ناره ما تنطفي.....اظن نصف جاي.
- يمكن آني متوهم.....
- طبعا متوهم ..انت جايز من مالك؟
- و الله يابه انت حقاني!
- هاي شنو باجر شبر و اربع اصابع...
- مولانا و عندك كيسين تمن(رز)
- لا شوف هسه(الأن) انت غلطت....اظن التمن كيس واحد!
- شلون يصير مو مسجله بالدفتر؟
- لكن كل هذا الحساب ما كان مسجله بالدفتر؟يعني آني آكل حقك؟
- يمكن صحيح و عندك حكتين (ما اعرف يعني شنو)دهن.
-اوهو......هذا شاون دفتر مخربط(غير مرتب)؟مولانا الدهن خمسة ارباع!
- يمعود (كلمة تعجب !) شلون خمسة ارباع؟
يعني صححت لك كل هذا الحساب و ما تصدك بيه؟
- ابو نجم اخاف متوهم؟ الحكتين(التي مااعرف معناها )شلون تصيرخمسة ارباع؟
- يابه آني ما اعرف اهل بيتي؟عندناكلهم ما يحبون الاكل الدهين.ثم آني دائما اشتري اللحم سمين ..يعني ما يحتاج دهن.
- زين يابه تعال نرتب الحساب..
- اتفضل..
و هكذا دفع عبد الله الخياط حسابا زائدا عن الطكطوكيات(الاشياء البسيطة) و هو لا يتعدى بضعة فلوس ...و قطع من البقال ثمن الدهن و التمن وهو مبلغ يتجاوز الدينار.
